Michael Hargreaves yw Swyddog Cefnogi Hyfforddiant City and Guilds newydd GO Wales. Mae Mike yn esbonio beth fydd ei rôl newydd yn golygu a sut y bydd hyn yn helpu i fod o fudd i fyfyrwyr, graddedigion a busnesau sy'n cymryd rhan mewn lleoliad gwaith GO Wales:
“Fy mhrif rôl yn y tîm yw cyfarfod â'r holl fyfyrwyr a graddedigion ar leoliadau GO Wales a'u hymsefydlu nhw ar Ddyfarniad Datblygiad Proffesiynol City and Guilds. Golyga hyn fy mod yn teithio trwy Gymru gyfan yn rheolaidd.”
“Rydw i wedi cael fy synnu'n wirioneddol gan ansawdd y lleoliadau gwaith a'r myfyrwyr a graddedigion. Trwy fy nheithiau yn y swydd, rydw i wedi cyfarfod a gweithio gyda rhai busnesau bach cyffrous a dynamig iawn sydd wedi elwa'n fawr iawn o leoliadau gwaith GO Wales.”
“Un enghraifft arbennig sy'n sefyll allan yw'r myfyriwr graddedig mewn Rheoli Busnes, Laura. Ystyriodd ei lleoliad gyda Lizard Workwear and Safety fel cyfle i ymarfer y sgiliau a ddysgodd trwy astudio ym Mhrifysgol Abertawe.”
“Amcan y lleoliad oedd gwella'r gyfradd trawsnewid, trosiant a gweithgarwch ar siop we'r Storfa Ddiogelwch. Caniataodd y lleoliad Laura i ddatblygu sgiliau a dewrder busnes i'r fath raddau bod gwerthiant wedi cynyddu o 64.10% syfrdanol mewn ond naw wythnos. Yr amcan a roddwyd iddi oedd yn syml gwella gwerthiant 10%, sydd wir yn dangos yr effaith a gafodd Laura.”
“Bu Laura'n agored i nifer o agweddau o'r busnes ac mae'n deall bod busnesau bach yn llwyddo orau pan fod y staff yn benderfynol ac wedi'u hysgogi i gyflawni eu nodau yn y gweithle. Roedd hi hefyd wedi gallu adeiladu a datblygu ar amrywiaeth eang o ansoddau fel ymwybyddiaeth busnes cyffredinol a sut i reoli pobl mewn modd effeithiol.”
“Er i 2008 fod yn flwyddyn brysur i ni, rydym yn rhagweld y bydd 2009 hyd yn oed yn fwy ac yn well. Y llynedd, roeddem wedi bwriadu gweithio gyda 255 o ymgeiswyr, ond fe weithiom mewn gwirionedd gyda thros 370.”
“Rwy'n wirioneddol falch fy mod yn gweithio i frand adnabyddus a berchir fel GO Wales ac rwy'n gallu cael effaith bwysig ar ddatblygiad a dilyniant gweithwyr busnes proffesiynol yfory. Ar gyfer y rheiny ohonoch chi sy'n newydd i'r Dyfarniad, rwy'n sicr y byddwn yn cyfarfod rhyw bryd yn 2009 a gallwch weld manteision ac effaith myfyriwr neu unigolyn graddedig sy'n berson cyflawn ac yn ymwybodol o fusnes yn gweithio yn eich sefydliad.”
