Mae Petersens, yr ymgynghoriaeth cysylltiadau cyhoeddus o Gaerdydd, wedi cyrraedd rownd derfynol Gwobrau’r Cyngor Cenedlaethol dros Brofiad Gwaith sydd i’w chynnal yn Llundain ar 23 Mawrth 2010.
Yn ddiweddar cymerodd 22 o raddedigion ran mewn cwrs unigryw wedi’i deilwra a’i lansio gan GO Wales i ddechrau eu gyrfaoedd llawrydd yng Nghymru. Cynhaliwyd y rhaglen ym Mhrifysgol Morgannwg gan dîm o ymgynghorwyr; ac roedd yn cynnwys dau gwrs tri diwrnod i helpu egin lawryddion i ddatblygu’r sgiliau, hyder a’r wybodaeth sydd eu hangen arnynt i roi eu sgiliau busnes ar waith.
Dros y ddwy flynedd nesaf mae disgwyl i 200 o raddedigion elwa o Academi’r Graddedigion GO Wales sy’n anelu at roi’r sgiliau a’r gefnogaeth sydd eu hangen ar raddedigion diweddar i gwrdd â’r her o gael gwaith graddedig.
Mae GO Wales, a gafodd ei ariannu gan becyn cydgyfeirio gwerth £17 miliwn gan Lywodraeth Cynulliad Cymru yn gynharach eleni, yn rhoi cyfle i fyfyrwyr a graddedigion fod ar flaen y gad yn y farchnad swyddi bresennol. Mae'r cynllun eisoes wedi cynnig amrywiaeth eang o gyfleoedd i gael profiad gwaith, hyfforddiant a swyddi, yn ogystal ag ystod o adnoddau gyrfaol defnyddiol ers iddo gael ei sefydlu yn 2003.
Mae Jessica Bobbett yn Rhaglennydd yn Ikona IT Cyf yng Nghaerdydd, ac yn ddiweddar cafodd ei chymeradwyo i dderbyn arian o gronfa Go Wales i fynd ar gwrs hyfforddi Rheoli Prosiect PRINCE 2 yng Nghaerdydd.
Mae Oliver Lee ar hyn o bryd ar leoliad gwaith GO Wales gyda Practical Innovations yn Abertawe. Mae wrthi’n datblygu’r brand presennol o ddosbarthwr ffrwythau Smart Slice drwy ailddylunio’r wefan a’r deunyddiau marchnata ar gyfer y cynnyrch arloesol hwn, sy’n anelu at wella’r ffordd mae diodydd yn cael eu gweini mewn bariau a chlybiau.
Mae myfyriwr graddedig di-waith a ddefnyddiodd ei amser ar bedwerydd plinth Sgwâr Trafalgar i arddangos copi enfawr o’i CV wedi dechrau ar swydd a gafodd yn sgil ei ymdrech anarferol. Roedd Alex Kearns, 23, wedi bod yn chwilio am waith am fisoedd ar ôl gadael Prifysgol Abertawe yr haf eleni gyda gradd mewn Ffrangeg ac Eidaleg.
Lansiodd Conffederasiwn y Diwydiant Busnes (CBI) adroddiad yn ddiweddar yn amlygu’r angen i fyfyrwyr gael profiad gwaith er mwyn rhoi hwb i’w siawns o gael gwaith yn y dirywiad economaidd.
