Blas ar Waith

Profiad gwaith byr, hyblyg a di-dâl yw cyfnod Blas ar Waith, sydd â'r nod o helpu israddedigion i gael cipolwg ar yrfa neu sector busnes penodol.

Y bwriad yw helpu israddedigion sy'n astudio yng Nghymru i gael profiad gwaith mewn gyrfa o'u dewis. Rydym yn paru myfyrwyr a graddedigion Prifysgolion â sefydliadau lleol am gyfnodau o brofiad gwaith dros gyfnod o rhwng 3 a 10 diwrnod neu 17 – 70 awr.

Beth yw'r manteision i chi?

Gall busnesau fod ar eu hennill mewn sawl ffordd trwy gynnig cyfnodau Blas ar Waith. Cewch gyfle i:

• Helpu myfyrwyr i ddysgu am eich cwmni neu'ch diwydiant chi.
• Helpu myfyrwyr i wneud dewisiadau doeth ar gyfer eu gyrfa.
• Dangos eich gwaith i recriwtiaid posib.
• Gwneud gwahaniaeth i fyfyriwr lleol.