Mae’r Academi amser llawn yn para am 6 wythnos ac yn cynnwys cwrs hyfforddi preswyl pythefnos o hyd a chyfnod o brofiad gwaith. Daw’r cwrs i ben gyda chynhadledd breswyl ddeuddydd ar ddiwedd Wythnos 6.
Oherwydd y ffordd y cawn ein hariannu mae yna rai cyfyngiadau o ran pwy sy’n cael cymryd rhan yn Academi Graddedigion GO Wales; cliciwch yma am fwy o wybodaeth. Rydym yn croesawu ceisiadau gan ymgeiswyr o unrhyw oed sy’n meddu ar unrhyw gymhwyster gradd.
Cynhelir y cwrs hyfforddi a’r gynhadledd derfynol ar gyfer pob Academi ar gampws Llanbedr Pont Steffan Prifysgol Cymru Y Drindod Dewi Sant. Tref farchnad fechan wedi’i lleoli yng nghefn gwlad Ceredigion yw Llanbedr Pont Steffan. Dangosodd adborth gan gyfranogwyr blaenorol fod yn well ganddynt gynnal y cwrs mewn lleoliad tawel gyda llai o amharu, sy’n galluogi iddynt ganolbwyntio’n llawn ar adeiladu tîm a’r broses ddysgu.
Mae’n rhad ac am ddim. Rydym ni’n talu am yr hyfforddiant, eich llety, eich prydau bwyd a’r cymorth ychwanegol a ddarperir gan dîm yr Academi Graddedigion. Rydym hefyd yn talu ffi cofrestru’r Sefydliad Arweinyddiaeth a Rheolaeth.
Yn ogystal, gallwn dalu costau teithio hyd at uchafswm o £100, i’ch galluogi chi i deithio i Lanbedr Pont Steffan ac yn ôl.
Yn ystod y cyfnod profiad gwaith, os yw’r lleoliad gwaith wedi’i drefnu gan GO Wales ac nad ydych yn derbyn incwm o ffynonellau eraill (gan gynnwys cyflog neu fudd-daliadau), bydd yr Academi Graddedigion hefyd yn talu lwfans hyfforddi gwerth £20 y dydd (£100 am wythnos waith 5 diwrnod).
Os rydych yn hawlio budd-daliadau, dylech gael cyngor gan eich Cynghorydd Canolfan Byd Gwaith am yr effaith y bydd mynychu’r Academi Graddedigion yn ei chael ar eich budd-daliadau. Mae’n debygol y bydd eich cais yn cael ei ohirio neu’n cael ei ddileu yn gyfan gwbl ond rhaid cadarnhau hynny gyda’r Ganolfan Byd Gwaith.
