Yn ôl y Sefydliad Brenhinol Cenedlaethol i'r Deillion (RNIB), mae dros filiwn o bobl yn y DU wedi'u cofrestru'n ddall neu sy'n gallu gweld yn rhannol. Mae rhai heb fawr neu ddim golwg ers eu geni; rhai eraill o ganlyniad i ddamwain ac mae eraill yn colli'u golwg o ganlyniad i gyflwr meddygol.
Nid yw nam ar y golwg o anghenraid yn golygu dallineb llwyr. Gall pedwar deg naw y cant o bobl ddeillion ac wyth deg y cant o bobl sy'n gweld yn rhannol adnabod cyfaill o hyd braich. Fodd bynnag, mae'r cyflwr yn golygu ei bod yn debygol y bydd angen gwneud rhyw fath o addasiadau yn y gweithle.
Yn gynyddol, mae datblygiadau technegol yn symud rhai o'r rhwystrau a oedd yno gynt i bobl sydd â nam ar eu golwg.
Mae faint o olwg sydd gan rywun sy'n gweld yn rhannol yn amrywio o'r naill unigolyn i'r llall, gall naill ai fod yn sefydlog neu'n debygol o newid dros amser.
Ceir amrywiaeth o addasiadau rhesymol y gellir eu gwneud ar gyfer pobl sydd â nam ar eu golwg, o ddarparu fersiynau print bras o ddogfennau i atebion sy'n fwy technegol megis darllenwyr sgrîn ac argraffyddion braille. Mae gan yr RNIB wybodaeth dda am y gwahanol addasiadau technegol sydd ar gael. Mewn ambell achos, efallai y bydd angen gwneud addasiadau ffisegol i adeilad. Gall y rhan fwyaf o addasiadau gael eu hariannu gan y cynllun Mynediad at Waith, a weinyddir gan y Ganolfan Byd Gwaith. Mae rhagor o fanylion yn yr adran Adnoddau Ychwanegol.
Efallai y bydd angen i chi gynnig deunyddiau recriwtio mewn braille neu sain. Unwaith eto, mae gan yr RNIB wybodaeth am y broses recriwtio i bobl sy'n gweld yn rhannol.
Rhoi nod tudalen gyda: