Mae Academi’r Graddedigion GO Wales yn rhaglen hyfforddi am ddim gyda’r nod o roi’r sgiliau a’r gefnogaeth sydd eu hangen i raddedigion gael gwaith graddedig. Mae cyflogwyr heddiw yn chwilio am wir dystiolaeth o sgiliau, galluoedd a dealltwriaeth o’r byd gwaith, sydd wedi’i thanategu gan brofiad yn y gweithle a dysgu achrededig.
Drwy gyfuno profiad gwaith gyda chymhwyster a ddyfarnwyd gan y Sefydliad Arweinyddiaeth a Rheolaeth (ILM) cydnabyddedig, mae’r rhaglen yn gyfle dysgu sy’n canolbwyntio ar y sgiliau penodol ac ymarferol sydd eu hangen er mwyn llwyddo.
Cynhelir y rhaglenni mewn sawl lle ledled Cymru. Mae cyrsiau amser llawn, 6 wythnos yn cynnwys cwrs hyfforddi preswyl am bythefnos. Rydym hefyd yn cynnig rhaglenni rhan-amser i’r rhai hynny sy’n gweithio ar hyn o bryd ac sy’n teimlo nad ydynt yn gwneud digon yn eu swyddi presennol ond na allant fynychu rhaglen amser llawn.
Rhai sylwadau gan gyfranogion diweddar i’r Academi Raddedigion:
“Rwyf wedi mwynhau’r unedau yn fawr iawn, roedd y tiwtoriaid yn ardderchog... gwnaeth arddull y tiwtoriaid hi’n hawdd deall y gwaith, e.e. gwneud y gwaith yn hwyl a pherthnasol i sefyllfaoedd bob dydd.”
“Ardderchog – ymarferol, wedi eu targedu, perthnasol iawn.”
“Mae wedi bod yn brofiad anhygoel – gweithio/byw mor agos gyda phobl newydd. Yn sicr, mae’n helpu gyda’ch sgiliau cymdeithasol a hyder ac yn helpu gyda’r newid o’r Brifysgol i’r gweithle.”
“Yn fy marn i roedd y rhaglen yn wych. Rhoddodd y profiad cyfan hyder i fi wrth chwilio am swydd, ac mae wedi fy annog i baratoi ar gyfer cyfweliadau ac yn dilyn y profiad rwyf bellach yn teimlo’n llawer mwy cymwys wrth edrych am swyddi.”
Roedd Stephanie Merriman yn gweithio mewn swydd dros dro pan glywodd am Academi i Raddedigion GO Wales; graddiodd ym mis Gorffennaf 2008 gyda gradd yn y Gyfraith ac ar ôl blwyddyn o wneud gwaith dros dro, roedd yn teimlo bod yr academi yn swnio fel cyfle gwych i’w helpu i sicrhau swydd raddedig.
Darllenwch y Stori Lawn...
Dylai’r Canllawiau Gwybodaeth hyn ddweud y cyfan sydd eu hangen arnoch, gan gynnwys manylion ynglŷn â phwy sy’n gymwys i ymuno ag Academi’r Graddedigion a’r hyn sy’n digwydd yn ystod y rhaglen. Fodd bynnag, os oes gennych unrhyw gwestiynau ar ôl darllen y wybodaeth hon, anfonwch neges e-bost unrhyw bryd at graduateacademy@lamp.ac.uk
I wybod mwy am ddyddiadau a lleoliadau a sut i wneud cais ar gyfer Academi’r Graddedigion, ewch i’r dudalen Gwybodaeth am Raglenni a Gwneud Cais yma >
Nid oes ffioedd cwrs ar gyfer rhaglen Academi’r Graddedigion. Caiff elfen y cwrs hyfforddi preswyl 2 wythnos ym mhob rhaglen amser llawn ei gynnig ar sylfaen prydau llawn gyda’r llety a’r prydau i gyd yn cael eu cynnig i’r cyfrannwr heb dâl.
Mae cymorth ariannol ar gael i helpu ariannu costau teithio ar gael ac, mewn rhai amgylchiadau, telir lwfans hyfforddi i’r cyfrannwr hefyd gan Academi’r Graddedigion.
Darllenwch ‘Ganllaw Ffioedd a Thaliadau GO Wales’ am fwy o wybodaeth ac os oes gennych unrhyw gwestiynau anfonwch neges e-bost at graduateacademy@lamp.ac.uk
Chwiliwch leoliadau gwaith
