Lleoliadau Ewropeaidd

GO Wales yn Ewrop

Mae GO Wales ac ECTARC yn cydweithio i gynnig nifer o leoliadau mewn gwledydd Ewropeaidd ar gyfer graddedigion sydd â diddordeb mewn profi diwylliant ac amgylchedd gwaith arall tra’n gwella eu sgiliau iaith.

Beth mae hyn yn ei olygu?

Mae’r rhain yn gyfleoedd cyffrous ar gyfer graddedigion talentog a brwdfrydig sy’n awyddus i archwilio gwlad arall yn yr UE. Mae’r rhaglen am gyfnod o 14 wythnos ac yn cynnwys:

• Cyflwyniad a chwrs iaith ddwys yng Nghymru
• Cwrs iaith yn y wlad rydych yn mynd iddi yn yr UE
• Lleoliad gwaith yn y wlad honno

Mae’n cynnwys llety a’r rhan fwyaf o’r costau teithio. Mae’r lleoliadau naill ai yn Sbaen, yr Almaen yr Eidal, Italy neu Ffrainc.

Pwy sy’n gallu cymryd rhan?

I gymryd rhan mae’n rhaid i chi fod yn raddedig ac yn byw neu’n astudio yng Nghymru ac yn ddinesydd o’r DU neu wlad arall yn yr UE.

Sut i wneud cais?

I ddarllen am brofiadau ymgeiswyr blaenorol ar leoliad, ac i ganfod mwy a gwneud cais ewch i wefan ECTARC.