Amgueddfa bywyd gwledig ac atyniad i ymwelwyr yw Canolfan Dreftadaeth Gŵyr sydd wedi'i seilio o gwmpas melin ddŵr o'r 12fed ganrif sy'n cael ei defnyddio hyd heddiw.
Cyflogodd y ganolfan Oliver Powell fel dylunydd graffeg i gynnal yr adran yn ei dyddiau cynnar ac mae bellach yn fusnes ar wahân (Parkmill Design and Print Studios).
Mae Oliver yn rheoli rhan fawr o'r busnes erbyn hyn ac wedi cyflawni'r holl amcanion a osodwyd iddo.
“Roedd y lleoliad yn llwyddiannus iawn ac roeddwn i'n ddigon lwcus i gael cynnig y swydd yn llawn amser ar ddiwedd fy lleoliad y llynedd. Ar ôl y Nadolig sefydlwyd yr adran yr oeddwn i'n ei chynnal yn fusnes ei hun felly roeddwn i'n lwcus iawn i fod yn rhan o'r holl fenter.”
“Rwyf wedi bod yn fodlon ar y cyfan gyda ffrwyth fy holl lafur. Mae'n rhaid i mi ddweud nad oedd y cyfan yn hawdd, ac imi wneud camgymeriadau, ond llwyddais i ddysgu o'r profiad. ”
“Roedd fy nghyflawniadau eleni'n cynnwys cynnig i ddylunio Pamffled Gŵyl Gerdded y Gŵyr. Roedd hon yn dasg anodd i ddechrau i ddim ond un person ei gwneud (o fewn y terfyn amser), ond talodd ar ei chanfed wrth i ni ddenu cleientiaid newydd a chael ein hargymell i eraill hefyd.”
“Mae fy sgiliau technegol a chymdeithasol yn datblygu'n barhaus.. Rwyf wedi dod yn fwy hyderus yn y flwyddyn ddiwethaf, a bellach mae gennyf wybodaeth fwy eang am ddylunio ac argraffu'n gyffredinol gyda'r hyder i ymgymryd â phrosiectau mwy.”
“Rwyf hyd yn oed wedi ennill cymhwyster iechyd a hylendid, tystysgrif Cynllun Croeso, wedi'm hyfforddi i ddefnyddio'r til, wedi mynychu seminarau ar y cyfryngau cymdeithasol - felly mae fy CV wedi datblygu dipyn yn y flwyddyn ddiwethaf.”
Meddai Mike Davies, perchennog y stiwdio argraffu:
“Rwy'n credu bod cynllun GO Wales yn rhoi'r cyfle i raddedigion gael blas ar y byd gwaith. Mae gweithio fel dylunydd yn golygu gorfod dehongli meddyliau pobl sy'n gallu bod yn dipyn o dasg, ond mae Oliver yn wych gyda phobl ac wedi llwyddo i wneud hyn yn dda iawn.”
“Mae rhywfaint o'r gwaith y mae Oliver wedi'i gynhyrchu wedi bod yn hyfryd ac mae'n cleientiaid wedi bod yn hapus iawn. Mae bellach yn rheoli'r cwmni ac mae gennyf bob ffydd ynddo i wneud y gwaith. Heb gynllun GO Wales go brin y byddai Oliver yn rheoli cwmni.”
Rhoi nod tudalen gyda: