Mae Insect Investigations yn gwmni o Gaerdydd sy’n ymwneud â phrofi a datblygu yn y diwydiant rheoli plâu.
Cyflogodd y cwmni Lucy Morapedi, myfyrwraig israddedig ail flwyddyn Gwyddorau Biofeddygol ar gwrs UWIC, fel Cynorthwy-ydd Technegol i helpu gyda’r gwaith o sefydlu a chynnal treialon a chyflawni dyletswyddau cyffredinol yn y labordy.
Derbyniodd Lucy’r lleoliad gwaith yn y gobaith y byddai’n gallu ennill profiad ymarferol mewn sector sy’n berthnasol iawn i’w gradd ac ennill mwy o wybodaeth er mwyn ei helpu yn ei blwyddyn olaf yn y Brifysgol.
Cyflawnwyd yr holl amcanion, fel mae Lucy yn egluro:
“Nid yn unig y mae’r profiad wedi datblygu fy sgiliau a gwella fy ngobeithion o gael swydd ar ôl i mi raddio, mae hefyd wedi cael effaith ddramatig ar fy uchelgais ar gyfer y dyfodol.”
Meddai’r Rheolwr Gyfarwyddwr, Peter McEwen:
“Roedd dylanwad Lucy ar berfformiad y cwmni yn un arwyddocaol. Dyma un o gryfderau cwmni bach - mae pawb yn bwysig. Mae Lucy wedi cyfrannu at lwyddiant y prosiect, sydd, yn y pendraw, yn helpu perfformiad cyffredinol y cwmni.”
“Cyflawnodd Lucy amcanion y cwmni trwy gwblhau tasgau i safon uchel, ac roedd y cwmni ar ei ennill trwy gyflogi unigolyn dymunol, diwyd, defnyddiol a lwyddodd i ysgafnhau’r baich ar aelodau eraill o staff yn ystod cyfnod prysur.”
Rhoi nod tudalen gyda: