Roedd Emily am gael profiad mewn ysgol gynradd leol gan mai'r unig brofiad oedd ganddi oedd mewn ysgolion uwchradd. Roedd am gael darlun cytbwys o addysgu er mwyn gallu penderfynu ai dyma'r yrfa roedd am ei dilyn.
Mwynhaodd Emily ei hamser yn yr ysgol yn fawr. Roedd y profiad wedi'i helpu i sylweddoli bod addysgu cynradd ac uwchradd yn gwbl wahanol a'i bod am gael mwy o brofiad yn y maes hwn.
“Y tro cyntaf i mi fynd i'r ysgol roedd yr athrawon yn groesawgar, yn gyfeillgar iawn, yn hawdd iawn siarad â nhw ac yn barod i ateb cwestiynau. Fe wnaethon nhw i mi deimlo'n gartrefol o'r cychwyn cyntaf. Cefais brofiad o weithio gydag phlant o oedrannau gwahanol, roedd y plant y des i'w hadnabod yn well yn wych - tynnodd un ohonyn nhw lun hyfryd i mi o'n grŵp darllen.”
“Cefais gyfle i gyflawni tasgau o bob math e.e. cymorth cyffredinol yn yr ystafell ddosbarth, grwpiau darllen, tasgau llythrennedd un i un. Cefais wahoddiad i fynd i Sain Ffagan ar y trip ysgol hefyd - doeddwn i erioed wedi bod yno - roedd yn brofiad cwbl wahanol i weld y plant tu fas i'r ysgol - roeddwn i wedi blino'n lân!”
“Roedd yr ysgol yn barod iawn i ddiolch i mi am fy amser a gwnaethant imi deimlo fy mod i wedi bod yn ddefnyddiol ac yn rhan o'u tîm nhw. Dwi wedi cael amser ardderchog ac wedi cyfarfod â rhai o'r plant mwyaf cŵl erioed - roedden nhw'n wych!”
“Mae'r profiad wedi bod o help i gael darlun cytbwys o addysgu gan mai dim ond profiad uwchradd oedd gen i. Dwi'n sylweddoli ei fod yn gwbl wahanol a nawr dwi am gael mwy o brofiad. Mae'r cyfnod blas ar waith wedi fy helpu i ganolbwyntio ar addysgu fel gyrfa yn y dyfodol.”
“Mae trenfu'r cyfnod blas ar waith wedi bod yn broses hawdd. Mae pawb dwi wedi cyfarfod â nhw yn ystod y broses wedi bod yn gefnogol iawn. Byddwn yn argymell i unrhyw un y dylent gymryd rhan!”
Rhoi nod tudalen gyda: