Testun yn unig
Diwydiannau Creadigol

Diwydiannau Creadigol

Proffiliau Cwmnïau

BBC Cymru

Mae pencadlys BBC Cymru yn Llandaf, Caerdydd gyda stiwdios a swyddfeydd eraill ym Mangor, Wrecsam, Aberystwyth a Chaerfyrddin. Fel prif ddarlledwr Cymru, mae gan y BBC ddigon o gyfleoedd am brofiad gwaith a chyfleoedd am swyddi o fewn ei adrannau creadigol amrywiol.

S4C
Cylch gwaith S4C yw darparu gwasanaeth Cymraeg yn ystod yr adegau gwylio mwyaf poblogaidd. Nid yw'n cynhyrchu ei rhaglenni ei hun - mae'n comisiynu rhaglenni Cymraeg gan y BBC a chynhyrchwyr annibynnol eraill. Mae amrywiaeth o raglenni'n cael eu darlledu ar S4C, gan gynnwys digwyddiadau cenedlaethol byw, chwaraeon, cerddoriaeth, newyddion, drama, adloniant, rhaglenni plant, diwylliant, cefn gwlad a ffordd o fyw. Mae'n darparu 80 awr yr wythnos o raglenni Cymraeg. Ariennir S4C gan ei refeniw hysbysebu a grant blynyddol sefydlog gan Adran Diwylliant, Cyfryngau a Chwaraeon y DU. Mae pencadlys S4C yn Llanisien yng Nghaerdydd.
ITV Cymru
Mae ITV Cymru, neu HTV Cymru gynt, yn rhan o'r cwmni darlledu cenedlaethol ITV ccc. Mae'r gwasanaeth rhanbarthol yn gwasanaethu Cymru gyfan, gyda'r brif swyddfa a'r orsaf yng Nghroes Cwrlwys yng Nghaerdydd. Mae gan ITV Cymru swyddfeydd ym Mae Colwyn, y Drenewydd, Caerfyrddin a Bae Gaerdydd hefyd. Ar hyn o bryd, mae'n cynhyrchu 9½ awr yr wythnos o raglenni Saesneg am Gymru, gan gynnwys 5½ awr o newyddion yn Wales Tonight, a bwletinau amrywiol trwy gydol y dydd ac ar benwythnosau.
Broadstroke Production
Cwmni cynhyrchu ffilm a theledu yw Broadstroke gyda swyddfeydd yng Nghaerdydd. Mae'n cynhyrchu deunydd ar gyfer y diwydiant ar leoliad ac yn ei stiwdio 1,600 troedfedd sgwâr. Mae Broadstroke yn cynnwys pob agwedd ar gynhyrchiad, o ddeunydd byw ac animeiddio i effeithiau digidol.
Calon TV
Cwmni newydd yw Calon TV a ffurfiwyd gan gyn-reolwyr Cynyrchiadau Siriol. Siriol oedd cynhyrchwyr “SUPERTED”, a “HILLTOP HOSPITAL” a enillodd wobrau Bafta a'r animeiddiad o “UNDER MILK WOOD”. Wedi ei leoli yng Nghaerdydd, mae Calon TV yn ehangu i wneud amrywiaeth eang o raglenni adloniant byw, rhaglenni ffeithiol a dramâu i blant. Ar hyn o bryd, mae wrthi'n cynhyrchu “HANA'S HELPLINE” yn ei stiwdio ar gyfer S4C/Channel 5/ZDF a “BOBINOGS” ar gyfer BBC Cymru.
Motion Blur Cyf
Arbenigwyr mewn animeiddio a chelf ar gyfer darlledu, ffilm, gemau, y we a chyfryngau rhyngweithiol. Mae rhai o'i gleientiaid yn cynnwys S4C a'r BBC. Mae wedi gweithio ar nifer o brosiectau amlwg iawn, gan gynnwys Warner Brothers, Ubisoft, Y Loteri Cenedlaethol, Art Attack a Hit Entertainment. Wedi ei leoli ym Mhwllheli, Gwynedd.
Spite Your Face Productions
Cwmni cynhyrchu ffilm ac animeiddio annibynnol sy'n gweithio mewn amrywiaeth eang o ddulliau a chyfryngau. Mae hefyd yn cynnig gwasanaeth darlunio. Mae ei gleientiaid blaenorol yn cynnwys Python (Monty) Pictures, The LEGO Group a Lucasfilm. Wedi ei leoli yng Nghasnewydd.
Barcud Derwen
Hwn yw'r cwmni teledu a ffilm fwyaf y tu allan i Lundain yn y Deyrnas Unedig. Mae Derwen yn dŷ ôl-gynhyrchu yn yr Eglwys Newydd, Caerdydd, gydag enw da am wneud gwaith arobryn ym maes darlledu, ffilm a chynhyrchu cyfryngau newydd. Mae'r cwmni'n cyflogi bron i ddeg ar hugain o staff gyda phedwar ar ddeg o olygwyr llawn-amser.
Aspect Television
Wedi ei leoli yng Nghaerdydd, mae Aspect Television yn gwmni cynhyrchu teledu annibynnol sy'n gwneud rhaglenni rhwydwaith a rhanbarthol. Ers i'r cwmni gael ei sefydlu ym 1999, mae Aspect wedi cael enw da am gynhyrchu cyfresi ffeithiol o ansawdd uchel a rhaglenni unigol i ddarlledwyr fel y BBC a Discovery.
Griffilms Ltd
Darparwr cyfryngau arobryn sy'n creu animeiddiadau a dyluniadau ar gyfer teledu, ffilm, deunydd argraffiedig a'r we. Mae ganddo adran fyw hefyd sy'n arbenigo mewn rhaglenni ffeithiol a rhaglenni i blant. Mae gan Griffilms swyddfeydd yng Nghaerdydd a Chaernarfon.
Atticus Design and Media
Mae Atticus yn gweithio gyda nifer o gwmnïau mawr, byd-eang, gan gynnwys BP, Rio Tinto a CNN. Mae'n cynnig ymdriniaeth amlddisgyblaethol i gleientiaid, gan gynnwys dylunwyr, animeiddwyr, marchnatwyr a strategwyr. Mae gan Atticus stiwdio ym Mae Caerdydd.

Rhoi nod tudalen gyda: