Mae ymgynghorwyr GO Wales mewn darparwyr addysg uwch yn cynorthwyo myfyrwyr cymwys i gael mynediad at swyddi i raddedigion, ac yn paru myfyrwyr â chyflogwyr ar gyfer profiad gwaith.

GO Wales yw’r enw ymbarél ar gyfer y cyllid y mae darparwyr addysg uwch (AU) Cymru yn ei gael gan Gyngor Cyllido Addysg Uwch Cymru i gynorthwyo myfyrwyr i ddatblygu eu cyflogadwyedd. Diben y cyllid yw cefnogi myfyrwyr y gall fod arnynt, am amryw resymau, angen ychydig o help ychwanegol i wireddu eu huchelgeisiau gyrfaol pan fyddant yn graddio.

Mae’r holl gymorth yn hyblyg ac yn canolbwyntio ar fyfyrwyr, gan fod yn seiliedig ar yr hyn y mae ar y myfyriwr ei angen i ddatblygu ei gyflogadwyedd.

Mae ymgynghorwyr GO Wales mewn sefydliadau AU yn cefnogi myfyrwyr trwy wneud y canlynol:

Myfyrwyr

Os ydych chi’n fyfyriwr AU sy’n astudio yng Nghymru a bod angen ychydig o help ychwanegol arnoch i ddatblygu eich cyflogadwyedd, yna gall cymorth gan GO Wales eich grymuso i wireddu eich potensial, cyrraedd eich nodau a chyflawni eich dyheadau. Efallai fod gan eich darparwr chi enw arall ar gyfer GO Wales, felly cysylltwch â’ch darparwr i weld beth maen nhw’n ei gynnig. Cliciwch yma i lawrlwytho manylion cyswllt

Cyflogwyr

Mae ar raglen GO Wales angen cyflogwyr a all gynnig cyfleoedd i fyfyrwyr sydd â diddordeb yn yr hyn yr ydych chi’n ei wneud. Yn ogystal â buddsoddi yn nyfodol myfyriwr trwy gynnig y cyfle iddynt ddod i wybod mwy am eich sefydliad, eich rôl a’ch sector, gallech adnabod darpar recriwtiaid newydd sy’n gwybod am eich busnes ac yn ymddiddori ynddo, cael budd o safbwynt gwahanol a chael cyfle i ddangos eich cyfrifoldeb cymdeithasol.

Os ydych chi’n gyflogwr sydd â diddordeb mewn ysbrydoli myfyrwyr ynglŷn â’ch sector chi a chynnig cyfleoedd i weithlu’r dyfodol, yna cysylltwch â’ch darparwr lleol. Cliciwch yma i lawrlwytho manylion cyswllt

Mae’r gweithgarwch hwn yn adeiladu ar y rhaglen a ariannwyd o Gronfa Gymdeithasol Ewrop (ESF), Cyflawni drwy Brofiad Gwaith.